- Práctica Psicomotriz Vivenciada
Cada persoa precisa o seu tempo, o seu espazo e a súa mirada
A Práctica Psicomotriz Vivenciada ten como obxectivo favorecer a maduración psicolóxica dos nenos e nenas pola vía sensoriomotora.
«Non podes impedir que un neno se mova, sería a represión total da súa evolución.»
— Bernard Aucouturier
Psicomotricidade infantil en Ourense: acompañamento adaptado a cada neno
A Práctica Psicomotriz Vivenciada está indicada para nenos e nenas entre os 8 meses e o os 12 anos que, por diversas causas, teñen que facerlle fronte a dificultades no seu proceso madurativo:
Atrasos no desenvolvemento
Descompensacións ou desaxustes no desenvolvemento madurativo
Hiperactividade, déficits de atención
Alteracións do equilibrio e da coordinación
Trastorno do espectro autista
Axitación ou inhibición motriz
Dificultades no ámbito relacional
Dificultades no ámbito da comunicación
Alteracións na organización do pensamento cognitivo: dificultades de aprendizaxe
Desaxustes emocionais: baixa tolerancia á frustración, angustias excesivas, dificultade para a separación
Dificultades auditivas, visuais, motoras que afecten a capacidade de explorar o medio
Nenos ou nenas prematuros
Dificultades de vinculación: adopcións, ambientes diferentes…
A quen vai dirixida a Psicomotricidade Vivenciada
A Psicomotricidade Vivenciada ten un carácter educativo e preventivo ante posibles dificultades de comportamento ou aprendizaxe.
Observar o que un neno/a fai, como o fai e para que o fai, convértese nun instrumento de diagnóstico infantil para a psicomotricista.
Niveis de intervención: terapéutico, reeducativo e educativo-preventivo
No tocante ás necesidades dos nenos e nenas, diferenciamos tres abordaxes:
Individual
Nivel terapéutico
Realizamos sesións de traballo individual cando a dificultade ou nivel madurativo do neno ou nena precisa da atención directa da psicomotricista.
- Atención directa
- Traballo individual
- Seguimento continuo
Pequenos grupos
Grupo de axuda
Traballamos en pequenos grupos. A súa finalidade é acompañar aquelas crianzas que presentan dificultades no seu desenvolvemento e poden beneficiarse da experiencia de integración nun grupo de iguais.
- Grupos de dous a catro nenos/as
- Beneficio da experiencia de integración
- Acompañamento compartido
grupos numerosos
Nivel educativo preventivo
Agrupámolos por idades e/ou desenvolvemento madurativo. Este nivel está pensado para nenos/as que non presentan dificultades no seu desenvolvemento e cos que buscamos favorecer a súa maduración física, psicolóxica e emocional, e prever posibles dificultades de desenvolvemento.
- Grupos de oito a dez nenos/as
- Dos oito meses aos seis ou sete anos
- Acompañamento compartido
Comeza a túa viaxe con Agrilar
Acompañamos a cada neno e nena no seu desenvolvemento único, respectando os seus tempos e necesidades.